Yüksək Texnologiyalar Parkı PBLA layihəsini Avropa Komissiyasına təqdim edib
Bakı, 30 noyabr, AZƏRTAC
Elm və Təhsil Nazirliyinin Yüksək Texnologiyalar Parkı (YTP) Avropa İttifaqından üç tərəfdaş -Almaniyanın Leypsiq Tətbiqi Elmlər Universiteti, Yunanıstanın Patras Universiteti və Portuqaliyanın Quarda Politexnik İnstitutu, eləcə də doqquz yerli tərəfdaşla (BMU, AzTU, UNEC, BANM, UTECA, Qərbi Kaspi Universiteti, Xəzər Universiteti, Texnologiya Transferi və Elmin Kommersiyalaşdırılması Platforması və Təhsildə İnnovativ Texnologiyalar Əlavə Təhsil Mərkəzi) birlikdə “Erasmus+” proqramı çərçivəsində “Layihə əsaslı təlim metodlarının Azərbaycan universitetlərində tətbiqi: tələbələr və müəllimlər arasında innovasiya və sahibkarlığın təşviqi (PBLA)” layihəsini Avropa Komissiyasına təqdim edib.
YTP-dən AZƏRTAC-a bildirilib ki, layihənin əsas məqsədləri inteqrasiyaya əsaslanan layihə əsaslı təlim metodu ilə tədris və tədqiqat metodlarının keyfiyyətini yüksəltmək, Azərbaycanın ali məktəblərində müəllim və tələbələr arasında innovasiya və sahibkarlığı təşviq etmək və şirkətləri layihə əsaslı öyrənmə metodunun tətbiqinə dəvət edərək universitet-sənaye əməkdaşlığını gücləndirməkdir. Layihə hazırda təkrar baxılma mərhələsindədir.
Bölmənin digər xəbərləri
