YUNESKO-da SƏRGİ
YUNESKO-nun Parisdəki iqamətgahında “Fantastik zoologiya” uşaq kitablarına çəkilmiş illüstrasiyaların sərgisi keçirilmişdir.
Martın 25-dən 29-na kimi davam etmiş sərgidə dünyanın 21 ölkəsindən 40 kiçik yaşlı rəssamın 80-ə yaxın rəsm əsəri nümayiş etdirilmişdir. Sərgidə Çili, Braziliya, Norveç, Çexiya, Sloveniya, Danimarka, İordaniya, Suriya, Avstriya, Vyetnam, Namibiya, Qana, Rusiya Federasiyası və digər ölkələrlə yanaşı Azərbaycanlı rəssam da iştirak etmişdir. Ölkəmizi təmsil etmiş Bakı məktəblisi Evelina Əliyevanın sərgidəki dörd rəsmi arasında “Ağac altında yatmış uşaq və gülməli meymun” əsəri tamaşaçılar tərəfindən yüksək qiymətləndirilmişdir.
Balaca rəssamımızın sərgidə nümayiş etdirilmiş bu dörd əsəri 2001-ci ildə YUNESKO tərəfindən Çexiyanın Bratislava şəhərində çap olunmuş almanaxa daxil edilmişdir.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
