YÜNGÜL ATLETİMİZ BEYNƏLXALQ YARIŞLARDA İŞTİRAK EDƏCƏK
Azərbaycan idmançısı Əlibəy Şükürov fevralın 1-də Moskvada başlayacaq “Rus qışı-2004” beynəlxalq yüngül atletika yarışlarında 800 metr məsafəyə qaçışda iştirak edəcəkdir. Respublika Yüngül Atletika Federasiyasından AZƏRTAC-ın müxbirinə bildirmişlər ki, Azərbaycan nümayəndəsi dünyanın 18 ölkəsinin ən məşhur idmançılarının iştırak etdiyi bu yarışlara yüksək şəxsi reytinqinə görə dəvət olunmuşdur.
Yarışların təşkilatçıları bu il proqrama 300, 600, 1000 və 2000 metr məsafələr də daxil etmişlər. Belə məsafələrin əsas üstünlüyü ondadır ki, onları müxtəlif klassik məsafələrdə “ixtisaslaşmış” yüngül atletlər qət edə bilərlər. Bu isə ənənəvi yarışlarla müqayisədə qaçışları daha maraqlı edir.
Bölmənin digər xəbərləri
