ZORAKILIQ ƏLEYHİNƏ DƏYİRMİ MASA KEÇİRİLMİŞDİR
Şəhər ictimaiyyəti nümayəndələrinin, qadın problemləri ilə məşğul olan təşkilatların, habelə hüquq mühafizə orqanları işçilərinin iştirakı ilə keçirilən tədbirdə Azərbaycan qadınları koalisiyasının üzvü Sevil Əsədova, Ailə, Qadın və Uşaq Problemləri üzrə Dövlət Komitəsinin şöbə müdiri Sənubər Əlizadə və başqaları çıxış edərək, zorakılığın aradan qaldırılmasında hər bir Azərbaycan vətəndaşının üzərinə düşən vəzifələrdən danışmışlar. Sonra fiziki zorakılıq, psixoloji zorakılıq, seksual zorakılıq, iqtisadi zorakılıq və sair mövzular ətrafında müzakirələr aparılmışdır. Qeyd olunmuşdur ki, dünyada ən çox zorakılığa məruz qalan uşaqlar və qadınlardır. Ölkəmizdə bu zəif məxluqların hüquqlarının qorunması dövlət və bir sıra beynəlxalq təşkilatlar tərəfindən daim diqqət mərkəzində saxlanılır. Bu sahədə həyata keçirilən tədbirlər görüş iştirakçılarının nəzərinə çatdırıldıqdan sonra qadın təşkilatlarına maarifləndirici tövsiyələr verilmişdir.
