10-cu Avropa Film Festivalı Daşkənd və Termezdə keçiriləcək
Bakı, 3 noyabr, AZƏRTAC
Bu il noyabrın 7–9-da Daşkənddə, noyabrın 12-də isə Termezdə 10-cu Avropa Filmləri Festivalı keçiriləcək.
AZƏRTAC Özbəkistanın Uza xəbər agentliyinə istinadla xəbər verir ki, bununla bağlı Avropa İttifaqının ölkədəki nümayəndəliyinin mətbuat xidməti məlumat yayıb. Bildirilib ki, bu il festival 10 illiyini qeyd edir.
Festival proqramına 12 Avropa ölkəsindən seçilmiş filmlər daxil edilib. Ekran əsərləri arasında lirik dramlar, insanın şəxsiyyət və kimliyinin dərk edilməsinə dair ilhamverici hekayələr, emosional seçimlər və həyat sınaqlarından bəhs edən filmlər yer alır.
Qeyd edilir ki, nümayişlər tamamilə pulsuz olacaq. Filmlər orijinal dildə, özbək və rus dillərində altyazılarla təqdim olunacaq.
Bölmənin digər xəbərləri
