11 illik təhsil bazasında 1 nömrəli Bakı Tibb Kollecinin boş qalan yerlərinə qəbulda ən yüksək keçid balı 166 olub
Bakı, 14 oktyabr, AZƏRTAC
2021-2022-ci tədris ili üçün tam orta (11 illik) təhsil bazasında orta ixtisas təhsili müəssisələrinin boş qalan yerlərinə qəbulda 1 nömrəli Bakı Tibb Kollecinə ən yüksək keçid balı dövlət sifarişi əsasında mamalıq işi ixtisasına 166.9 bal olub.
AZƏRTAC xəbər verir ki, bu barədə məlumat “Abituriyent” jurnalının xüsusi buraxılışında yer alıb. Bildirilib ki, kollecdə ən aşağı keçid balı isə dövlət sifarişi əsasında müalicə masajı (gözdən əlillər üçün) ixtisasına 100.1 bal olub.
Qeyd edək ki, 2021-2022-ci tədris ili üçün tam orta (11 illik) təhsil bazasında 1 nömrəli Bakı Tibb Kollecinin boş qalan plan yerlərinə dövlət sifarişi və ödənişli əsaslarla 4 ixtisas üzrə qəbul aparılıb.
Bölmənin digər xəbərləri
