Azərbaycan Dövlət İnformasiya Agentliyi

ELM VƏ TƏHSİL

Bakıda əqli mülkiyyətin və texnologiyaların kommersiyalaşdırılmasının rolu mövzusunda konfrans keçirilib YENİLƏNİB-2 VİDEO

Bakı, 11 fevral, AZƏRTAC

Fevralın 11-də Azərbaycan Respublikasının Əqli Mülkiyyət Agentliyi ilə İqtisadi İslahatların Təhlili və Kommunikasiya Mərkəzi arasında əməkdaşlıq haqqında memorandumun imzalanmasına həsr edilən “İnnovasiyalı inkişaf və iqtisadi islahatlar: əqli mülkiyyətin və texnologiyaların kommersiyalaşdırılmasının rolu” mövzusunda konfrans keçirilib.

AZƏRTAC xəbər verir ki, tədbirdə Əqli Mülkiyyət Agentliyinin İdarə Heyətinin sədri Kamran İmanov konfransın mövzusunun əhəmiyyətini vurğulayıb. Bildirib ki, innovasiyalı inkişafa yol açan Azərbaycan “Doing Business 2019” Qlobal reytinqinə əsasən, 190 ölkə arasında 25-ci yeri tutur. O, 2018-ci ildə ölkəmizdə aparılan struktur və iqtisadi islahatlar çərçivəsində həyata keçirilən tədbirlər nəticəsində əqli mülkiyyət sistemində əhəmiyyətli təşkilati və funksional dəyişikliklər baş verdiyini deyib. Bildirib ki, Prezident İlham Əliyevin həyata keçirdiyi böyük işlər nəticəsində Azərbaycan daha da yeniləşərək dördüncü sənaye inqilabının fəal iştirakçısına çevrilib, ölkədə sosial-iqtisadi islahatlar reallaşdırılıb. İnnovativ inkişaf yolunun tərkib hissəsi kimi əqli mülkiyyət sahəsinin inkişafına yönəlmiş institusional islahatlar çərçivəsində Azərbaycan Prezidentinin “İstehlak bazarına nəzarət, standartlaşdırma, metrologiya və əqli mülkiyyət hüquqları obyektlərinin mühafizəsi sahəsində idarəetmənin təkmilləşdirilməsi ilə bağlı tədbirlər haqqında” Sərəncamı ilə Müəllif Hüquqları Agentliyinin və Patent və Əmtəə Nişanları Mərkəzinin birləşmə formasında yenidən təşkili yolu ilə Azərbaycan Respublikasının Əqli Mülkiyyət Agentliyi yaradılıb.

Kamran İmanov qeyd edib ki, ləğv edilmiş Standartlaşdırma, Metrologiya və Patent üzrə Dövlət Komitəsinin sənaye mülkiyyəti obyektlərinin mühafizəsi sahəsində səlahiyyətləri, tabeliyində olan Respublika Elmi-Texniki Kitabxanası Əqli Mülkiyyət Agentliyinə verilib və Agentliyin tabeliyində Patent və Əmtəə Nişanlarının Ekspertizası Mərkəzi və Əqli Mülkiyyət Hüquqlarının Təminatı Mərkəzi yaradılıb, yeni Nizamnamələri təsdiq edilib. Nəticədə əqli mülkiyyət sahəsinin bütövlükdə inkişafını təmin edən, bu sahədə vahid tənzimləməni və nəzarəti həyata keçirən və fəaliyyəti əlaqələndirən, işçiləri dövlət qulluqçularına və əməyin ödənilməsində mərkəzi icra hakimiyyəti orqanlarına bərabər tutulan ixtisaslaşmış yığcam vahid dövlət qurumu yaradılıb. Yaradılmış dövlət strukturunun tərkib hissələri Əqli Mülkiyyət Agentliyi başda olmaqla zamanın çağırışlarına uyğun olaraq səmərəliliyin artırılması məqsədilə Respublika Elmi-Texniki Kitabxanası istisna olmaqla, publik hüquqi şəxs qismində çıxış edirlər.

Dövlətimizin başçısının rəhbərliyi ilə sahə üzrə aparılan institusional islahat nəticəsində çalışan dövlət qulluqçularının sayı 43 nəfər azaldılaraq, il ərzində 1 milyon 100 min manatdan artıq vəsaitə qənaət etmək imkanı yaradılıb, dövlət büdcəsindən yalnız Əqli Mülkiyyət Agentliyinin dövlət qulluqçularına bərabər tutulan işçilərin əməyi maliyyələşdirilib, Agentliyin saxlanma xərcləri və tabeliyində olan iki mərkəzin bütövlükdə fəaliyyəti özünümaliyyələşdirmə prinsipi əsasında həyata keçirilib.

Qeyd edilib ki, Agentliyin qarşısında duran əsas vəzifələr müəllif və oxşar hüquqların qorunması və təmin edilməsi, rəqəmli hüquqların idarə edilməsi və kontrafaksiya və piratçılığa qarşı mübarizə ilə yanaşı, sənaye mülkiyyəti obyektlərinin idarə edilməsi və bu idarəçiliyin zamanın müasir tələblərinə uyğun təşkili, patent və əmtəə nişanlarına dair müraciət edən şəxslər üçün dürüstlüyün, açıqlığın və şəffaflığın təmin edilməsidir. Bununla yanaşı, ərazisi azalmış, müxtəlif əlverişsiz yerlərə səpələnmiş, fondlarının müəyyən hissəsi itirilmiş və yarasız vəziyyətə salınmış, nəticədə istifadəçilərini və nüfuzunu itirmiş Respublika Elmi-Texniki Kitabxanasının fəaliyyətinin müasir tələblərə uyğun yenidən qurulmasıdır.

Bu vəzifələrin yerinə yetirilməsində, əqli mülkiyyətin əhəmiyyətinin və faydasının artırılmasında əsas prinsip kimi Azərbaycan Prezidentinin iqtisadi islahatlarının uğurla həyata keçirilməsinə xidmət etmək, cəsarətlə keçirilən tədbirlərə dəstək olmaq, elmi-tədqiqat nəticələrindən kommersiyalaşma potensialı olan texnologiyaların seçilməsi və tətbiqidir. Bununla da əqli mülkiyyəti investisiyaların cəlb edilməsi və innovasiyaların həyata keçirilməsində fəal aktora çevirmək, özlüyündə abstrakt vasitədən sosial-iqtisadi uğurların aparıcı amillər sırasında yerini tutmaq, bir sözlə, əqli mülkiyyəti və innovasiyalı inkişaf cütlüyünə məxsus olan emercent effektivliyinə nail olmağın vacibliyidir.

Təsadüfi deyil ki, yaşadığımız texnologiyaların sıçrayış dövründə və innovasiyaların “rəqəmsal imperativ” zamanında innovativ inkişaf tədqiqatlar nəticəsində əldə edilən biliklərin və texnologiyaların, investisiyaların və əqli mülkiyyətin yaratdığı insan kapitalının ekosistemidir. Odur ki, tanınmış mütəxəssislərin fikrinə əsasən, “gələcəkdə əqli mülkiyyətin beynəlxalq arxitekturası və formasının texnologiyalar tərəfindən getdikcə daha çox diktə ediləcəyi və onu idarə etməsi qaçılmazdır”. Bununla da texnologiyaların patentin mövcud landşaftına kardinal təsiri və öz növbəsində əqli mülkiyyətin buna qarşı çıxmaması, əksinə, ona uyğunlaşması vurğulanmalıdır.

Sənaye mülkiyyəti ilə bağlı olan Patent təşkilatı yalnız öz maraqları ilə kifayətlənməməli, fəaliyyətinin təhlilini özünə aid göstəricilər əsasında qurmamalı, ixtira və patent aktivliyini innovasiyalı proseslərə təsiri ilə ölçməlidir və onun fəaliyyəti bu istiqamətə yönəldilir.

Daha sonra göstərilib ki, Əqli Mülkiyyət Agentliyinin fəaliyyətinin təkmilləşdirilməsində səylərimiz real iqtisadiyyatda mütləq dövlət yardımına söykənməyən avtonom, müstəqil hərəkətverici qüvvələrin oyadılmasına yönəldilməlidir. Belə ki, həmin qüvvələr real iqtisadiyyatı innovasiya tipli iqtisadiyyata çevirməyə qadir ola bilsin və bu səbəbdən ixtira fəaliyyəti elə stimullaşdırılmalıdır ki, yaradılan biliklərin real satılan məhsullara çevrilməsi təmin edilsin.

İnnovativ iqtisadiyyatda innovasiyalar istehsalatın əsas faktoru kimi əsas iqtisadi resursa - intellektual kapitala söykənir və varlığın, zənginliyin yaranma mənbəyi texnoloji, intellektual və informasiya rentasından irəli gəlir. Bu amillərə Əqli Mülkiyyət Agentliyi öz payına düşən töhfələrin verilməsinə yönəldilir.

Xüsusi vurğulanıb ki, 2018-ci il Davos İqtisadi Forumunun Rəqabətqabiliyyətlilik İndeksinə əsasən, “Təsisatlar” altindeksində “Əqli mülkiyyət hüquqlarının qorunması” göstəricisi üzrə Azərbaycan 36-cı yerdə qərarlaşıb və MDB məkanında liderdir. Bununla belə, irəliyə baxaraq, ehtiyatlarımızı istifadə etməliyik. Belə ki, Davos İqtisadi Forumunun Rəqabətqabiliyyətlilik reytinqində “Patent ərizələri” və “Əmtəə nişanlarına ərizələr” göstəricilərinə görə Azərbaycanın müvafiq olaraq, 87-ci və 101-ci yeri tutub. Azərbaycan Respublikası Prezidentinin müvafiq fərmanlarına əsasən, yeni yaradılmış Azərbaycan Respublikasının Əqli Mülkiyyət Agentliyində hazırda bu istiqamətdə, həm də elmi nəşrlərin H-indeksi istiqamətində işlər görülür.

Prezident İlham Əliyevin Davos İqtisadi Forumunda vurğuladığı kimi, “gələcəyimiz - innovasiyalar, texnologiyalar, yaxşı idarəetmə, şəffaflıq və sahibkarlara dövlət dəstəyindədir” və Əqli Mülkiyyət Agentliyi bir dövlət qurumu kimi bu göstərişi layiqincə yerinə yetirməlidir. Əqli Mülkiyyət Agentliyi Müəllif Hüquqları Agentliyi kimi fəaliyyət göstərdiyi dövrdən başlayaraq, indiki yeni imkanlarla davam edir. Belə ki, Müəllif Hüquqları Agentliyi, Təhsil Nazirliyi və Ümumdünya Əqli Mülkiyyət Təşkilatının (ÜƏMT) birgə hazırladıqları “Universitet və elmi-tədqiqat institutlarında əqli mülkiyyət siyasəti üçün Milli Layihə”ni göstərmək olar. Həmin layihənin icrası ilə bağlı 2017-ci ildə Agentliyin iştirakı ilə Təhsil Nazirliyi və ÜƏMT arasında Birgə Bəyannamə imzalanıb və bir neçə beynəlxalq konfrans və seminar keçirilib.

ÜƏMT-nin Baş direktoru Frensis Qarrinin 2018-ci il iyunun 4-6-da Azərbaycan Respublikasına rəsmi səfər Proqramı çərçivəsində “Bilik və innovasiya iqtisadiyyatına əqli mülkiyyətin dəstəyi” mövzusunda keçirilmiş beynəlxalq konfrans və “Qeyri-maddi aktivlər və qlobal dəyərlər zənciri: İqtisadiyyat innovasiyaların faydalarından necə yararlanır?” mövzusunda regional seminar, universitet və elmi-tədqiqat institutlarında yaradılmış startapların nailiyyətlərini nümayiş etdirən sərgi xüsusi qeyd edilməlidir. Qeyd olunan sərgidə 21 startap-layihə nümayiş etdirilib, onların 16-sı yerli universiteti, 2-si özəl şirkəti, 3-ü AMEA-nı (Yüksək Texnologiyalar Parkı) təmsil edib.

2018-ci il dekabrın 18-də ÜƏMT-nin Cenevrədəki mənzil-qərargahında Azərbaycan Xalq Cümhuriyyətinin 100 illiyi münasibətilə Əqli Mülkiyyət Agentliyi, Nəqliyyat, Rabitə və Yüksək Texnologiyalar Nazirliyi, ÜƏMT və Beynəlxalq Telekommunikasiya İttifaqı birlikdə “Azərbaycanda əqli mülkiyyətin inkişafı və onun regiona təsiri: innovativ və yüksək texnologiyalar üzrə startapların təqdimatı” mövzusunda beynəlxalq konfrans və Azərbaycanın innovativ və yüksək texnologiyalı startaplarına həsr olunan sərgi təşkil edib. Həmin beynəlxalq tədbirin xüsusi əhəmiyyəti yeniləşən islahatçı ölkə - Azərbaycanın müasir simasını dünyaya, beynəlxalq ekspert cəmiyyətinə nümayiş etdirməsindədir.

Xüsusi olaraq qeyd edilib ki, dövlət başçısının vergi islahatları çərçivəsində startaplar mikro və ya kiçik sahibkarlıq subyektləri üçün yeni üfüqlər açır. Belə ki, mikro və ya kiçik sahibkarlıq subyekti olan fiziki şəxslər “startap” şəhadətnaməsini aldıqları tarixdən innovasiya fəaliyyətindən əldə etdikləri gəlirdən 3 il müddətinə gəlir vergisindən, hüquqi şəxs kimi fəaliyyət göstərən həmin subyektlər isə 3 il müddətinə əldə etdikləri mənfəət vergisindən azad olunurlar.

Əqli Mülkiyyət Agentliyinin qarşısında duran funksional vəzifələrin dövlətimizin başçısının innovasiyalı inkişafla bağlı yürütdüyü iqtisadi islahatlar siyasəti ilə formalaşdırıldığından və əqli mülkiyyətin bu siyasətin təsirinə və innovativ inkişafa adekvat xidmət etməsindən ibarət olduğu, həmin vəzifələrin icrasının üç amil nəzərə alınmaqla həyata keçirildiyi bildirilib:

• ali təhsil və elm sistemində radikal transformasiya nəticəsində 3.0 (təhsil, tədqiqatlar və biliklərin kommersiyalaşması) universitetlərin yaranması, burada texnologiyaların kommersiyalaşması və transferinin ön plana çıxarılması;

• KOS-ın iqtisadi rolunun və innovasiya imkanlarının artırılması, burada əqli mülkiyyət siyasətinin dəstəklənməsi, texnoloji innovasiyaların stimullaşdırılması;

• əqli mülkiyyətin yeni fəaliyyət konteksti ilə bağlı onun dəyişmiş rolunun nəzərə alınması, sərvətlərin yaranma mərkəzinin maddi aktivlərdən qeyri-maddi aktivlərə, intellektual kapitala yönəlməsi və investisiya axınlarının əqli mülkiyyətə istiqamətlənməsi.

Qeyd olunanlarla əlaqədar Agentlik tərəfindən Azərbaycanın Uzunmüddətli Əqli mülkiyyət Strategiyasının hazırlanması; ixtiraçılara dəstək məqsədilə beynəlxalq patent qeydiyyatı PCT sisteminin təşviqi və dövlət tərəfindən xərclərin bir qisminin ödənilməsi, həmçinin ölkəmizin patent alınmasını sadələşdirən Patent Hüququ Müqaviləsinə (PLT) qoşulması və Texnologiyalara və İnnovasiyalara Dəstək Mərkəzinin yaradılması və tezliklə fəaliyyətə başlaması; universitetlərdə, elmi-tədqiqat institutlarında və KOS subyektlərində IP ofislərin yaradılması, mövcud ofislərin isə tezliklə texnologiyaların kommersiyalaşması və transferi ofislərinə çevrilməsı; elm və sənaye arasında bağlantı, ixtiraçılıq fəaliyyətinin keyfiyyətcə artması və tətbiqi xarakter daşıması üçün Texnologiyaların Kommersiyalaşdırılması və Texnologiya və İnnovasiyalara Dəstək mərkəzlərinin, o cümlədən Əqli Mülkiyyət Agentliyinin nəzdində yaradılması həyata keçirilən vəzifələrdir. Həmçinin “Made in Azerbaijan” brendinin təşviqi, “Əmtəə nişanlarının beynəlxalq qeydiyyatına dair Madrid Sazişi” çərçivəsində qorunan yerli əmtəə nişanlarının xərclərinin qismən dövlət hesabına ödənilməsi, kütləvi istehsal olunan və fərdi toxunan xalçalarımız üzərində Azərbaycana aid loqonun ilmələrlə toxunmasına dəstək verilməsi və qeydiyyata alınması; şəffaflığı təmin etmək, patent, əmtəə nişanlarının sifarişçiləri və ekspertiza və digər xidmət aparanlarla kontaktsız münasibət qurmaq məqsədilə ASAN tipli “Patentlərə, Əmtəə Nişanlarına Açıq Hədəf” “PƏNAH” rəqəmli informasiya sisteminin yaradılması işlərinin başlanması; rəqəmli şəbəkələrdə əqli mülkiyyət hüququ ilə qorunan obyektlərin istifadə edilməsinin idarəetmə sisteminin tətbiqi ilə bağlı bir sıra tədbirlər həyata keçirilib, yaradılan strukturların biznes-layihələri hazırlanıb və bunlar fayda verəcək.

Daha sonra Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı çıxış edib. Bildirib ki, Azərbaycan Prezidentinin tapşırığına uyğun olaraq hazırda ölkədə innovasiya strategiyası hazırlanır: “Strateji yol xəritələrinə müvafiq şəkildə Azərbaycan iqtisadiyyatı Dünya İqtisadi Forumunun təsnifatına əsasən səmərəlilik əsaslı modeldən innovasiya əsaslı modelə keçəcək. İnnovasiya əsaslı modelin inkişaf etdirilməsi üçün fiziki, insan, institusional və sosial kapital təmin olunacaq. İnsan potensialının inkişaf etdirilməsi, insan kapitalının keyfiyyətinin və əmək məhsuldarlığının yüksəldilməsi ilə bağlı məsələlərə xüsusi diqqət verilir, institusional və biznes mühiti daha da yaxşılaşdırılır, infrastruktur gücləndirilir, təhsil-təlim prosesi və ixtisaslı kadr hazırlığı, əmək bazarı və biznes sektoru arasında koordinasiyanın effektivliyi artırılır, innovasiyaya meyilli (elm və texnologiya tutumlu) istehsal (xidmət) sektorunun investisiya cəlbediciliyi artırılır, klaster yaratma təşəbbüsləri dəstəklənir və əmək məhsuldarlığının yüksəldilməsi üzrə əsas prioritetlər müəyyənləşdirilir. Azərbaycan iqtisadiyyatının əsas çağırışı - əmək məhsuldarlığının artırılması üçün insan kapitalının inkişafı və innovasiyaların tətbiqi vacib əhəmiyyət kəsb edir”.

Konfransda Nəqliyyat, Rabitə və Yüksək Texnologiyalar nazirinin müavini Elmir Vəlizadə, təhsil nazirinin müavini İdris İsayev və AMEA-nın akademik katibi, İnformasiya Texnologiyaları İnstitutunun direktoru Rasim Əliquliyev, Nəqliyyat, Rabitə və Yüksək Texnologiyalar Nazirliyinin tabeliyində Yüksək Texnologiyalar Parkı MMC-nin direktoru Tural Kərimli, Dövlət Məşğulluq Xidmətinin rəisi Fuad Musayev, “Microsoft Azərbaycan”ın baş direktoru Sərxan Həşimov, “Enterpriseazerbaijan,com” portalının meneceri Aytən Məmmədova çıxış ediblər. Onlar startap layihələrinin əhəmiyyətindən, xüsusilə mikro və kiçik sahibkarlığın inkişafında rolundan danışıblar, həmin layihələrin maliyyələşdirilməsində yerli və xarici investorların rolunu vurğulayıblar.

Tədbir zamanı startap layihələrinin nümayiş etdirildiyi sərgiyə baxış keçirilib.

Yekunda Əqli Mülkiyyət Agentliyi və İqtisadi İslahatların Təhlili və Kommunikasiya Mərkəzi arasında əməkdaşlıq haqqında Memorandum imzalanıb. Qeyri-müəyyən müddətə bağlanan Memorandumda tərəflər, Agentliyin Rəqəmsal Ticarət Qovşağına inteqrasiyasının təmin olunması və onun potensialından yüksək texnologiyaların və əqli mülkiyyət obyektlərinin iqtisadiyyatda tətbiqinin stimullaşdırılmasında və bu istiqamətdə aparılan işlərdə istifadə edilməsi, Agentliyin təqdim etdiyi layihələrin Mərkəz tərəfindən idarə olunan “enterpriseazerbaijan.com” portalına inteqrasiyasının həyata keçirilməsi, patent qabiliyyətli startapların birgə seçiminin aparılması barədə razılığa gəliblər.

Bakıda əqli mülkiyyətin və texnologiyaların kommersiyalaşdırılmasının rolu mövzusunda konfrans keçirilib  YENİLƏNİB-2 VİDEO

Xəbəri sosial şəbəkələrdə paylaşın

Bizi sosial şəbəkələrdə izləyin

Volodimir Zelenski Avropa qarşısında yeni tələblər irəli sürüb

Münhen Təhlükəsizlik Konfransı: Dünyanın reallıqları və perspektivlər

Azərbaycanla Türkiyə arasında turizm sahəsində əməkdaşlıq haqqında Saziş təsdiqlənib - FƏRMAN

“Azərbaycan Respublikasının Dövlət Statistika Komitəsi ilə Vyetnam Baş Statistika İdarəsi arasında statistika sahəsində əməkdaşlıq haqqında Anlaşma Memorandumu”nun təsdiq edilməsi barədə
Azərbaycan Respublikası Prezidentinin Fərmanı

“Azərbaycan Respublikası Hökuməti ilə Türkiyə Respublikası Hökuməti arasında turizm sahəsində əməkdaşlıq haqqında Saziş”in təsdiq edilməsi barədə
Azərbaycan Respublikası Prezidentinin Fərmanı

AMB ilə İslam İnkişaf Bankı arasında sukuk emissiyası sahəsində əməkdaşlıq müzakirə olunub

Türk ekspert: Bakının çoxvektorlu və balanslaşdırılmış siyasəti Azərbaycanın Afrikada nüfuzunun artmasına səbəb olur

“Sahibkarlıq sahəsində aparılan yoxlamaların dayandırılması haqqında” Azərbaycan Respublikasının Qanununda dəyişiklik edilməsi barədə
Azərbaycan Respublikasının Qanunu

ICESCO “Bilik gələcəkdir” adlı forum keçirəcək

Türkiyədə FETÖ ilə əlaqəsi olmaqda şübhəli bilinən 17 həkim saxlanılıb

Növbəti köç karvanı Cəbrayıl şəhərinə çatıb

“LANDAU School”un şagirdləri AZƏRTAC-da olublar

Novxanıda fəaliyyət göstərən kafedə nöqsanlar aşkarlanıb

AQTA: Heyvan və quş qripi xəstəliyi ilə əlaqədar bəzi ərazilərdən idxala müvəqqəti məhdudiyyət qoyulub

Vaqif Sadıqov: “Neftçi” - “Qarabağ” oyununda nəticəni keyfiyyət müəyyənləşdirdi

Antonio Koşta: Avropa Ukrayna üzrə danışıqlarda iştirak etməlidir

Qanunsuz saxlanılan silah-sursatın götürülməsi və aşkarlanması ilə bağlı 32 fakt müəyyən edilib

“Euronews”: Bakı dünyanın cüdo paytaxtı statusunu bir daha təsdiq etdi

Binəqədidə “Continental” hotelinin fəaliyyəti dayandırılıb

Qahirə Universitetində Azərbaycan dili dərsləri davam edir

“Xocalı: Şahidlər danışır” kitabı özbək dilində nəşr edilib

“Financial Times”: Avropa liderləri Ukraynaya qoşun yerləşdirilməsi imkanını müzakirə edəcəklər

® ABB-nin dəstəyi ilə türk dövlətlərinin biznes liderləri Bakıda bir araya gəlib

Baş Dövlət Yol Polisi İdarəsi sürücülərə xəbərdarlıq edib

Riyaziyyatçılarımız Tailandda 1 qızıl, 4 gümüş və 5 bürünc medal əldə ediblər

Qaradağlı faciəsindən 33 il ötür

Ana dili xalqın tarixinin, mədəniyyətinin və kimliyinin əbədi izidir

Dövlət qulluğu imtahanında müvəffəqiyyət əldə etmiş şəxslərin nəzərinə

NASA yeni texnologiya ilə təmin edilmiş zondu Aya göndərir

Tehranda Xəzər İqtisadi Forumu keçirilir

Sumqayıt və Abşeronda evlərdən oğurluq edənlər saxlanılıblar

Bilyard üzrə Sumqayıt şəhər birinciliyinin qalibləri bəlli olub

 Elektron siqaret çəkmək xərçəng, ağciyər və ürək xəstəlikləri riskini artırır

Magistraturaya qəbul imtahanında istifadə olunmuş test tapşırıqlarının izahı və düzgün cavabları açıqlanıb

Azad İqtisadi Zona: Naxçıvanda ticarət, logistika, turizm sektorları inkişaf edəcək - ŞƏRH

Roma Papası Fransiskin vəziyyəti sabitdir

Məcburi dövlət sosial sığorta haqları üzrə daxilolmalarda 11 faiz artım qeydə alınıb

Beynəlxalq Cüdo Federasiyası Bakının ev sahibliyi etdiyi “Böyük Dəbilqə” turnirinə yüksək qiymət verib

Avtomobildə qanunsuz olaraq daşınan narkotik vasitə aşkarlanıb

Həkim–terapevt: Pnevmoniya vaxtında müalicə edilərsə, əksər insanlarda tam sağalma mümkündür

Ötən il Bakı-Naxçıvan avtobusu ilə daşınan sərnişinlərin sayı açıqlanıb

İlin əvvəlindən 880 min sosial ödəniş elektron sistem üzərindən proaktiv qaydada təyin edilib

Moskvada Polad Bülbüloğlunun yubiley konserti olub

NBA “All Star”ın qalibi müəyyənləşib

Bakıda tatar maarifçisi Kayum Nasirinin 200 illiyi qeyd olunub

Fərhad Quliyev: Azərbaycan cəmiyyətində arxeologiya elminin mövcudluğuna, fəaliyyətinə tələbat var MÜSAHİBƏ VİDEO

Koreya hökuməti Çinin “DeepSeek” süni intellekt tətbiqinin yerli xidmətini dayandırıb

Sitrus bağlarını şaxtadan qorumaq üçün müasir texnologiyalar tətbiq olunur FOTO

BANM tələbəsi Yaponiyada təcrübə proqramını başa vurub

Milli Kitabxanada Əlağa Vahidə həsr olunan virtual sərgi təqdim edilib

“Sumqayıt”la oyun “Zirə” üçün 2 yubileylə əlamətdar olub

Dünya birjalarında neft bahalaşıb

Bu gün Əlağa Vahidin anadan olmasından 130 il ötür

Azərbaycan çimərlik voleybolu üzrə Avropa ölkələrinin reytinqində birinci sıradadır

Premyer Liqa: XXIII tura 2 oyunla yekun vurulacaq

Ötən il 6,4 milyon manat aqrar sığorta ödənişi həyata keçirilib

Mingəçevir Dövlət Universitetinin 7 komandası “Beynəlxalq Robot Olimpiadası 2025”in finalına vəsiqə qazanıb

BDU “QS Stars” audit qiymətləndirilməsində 5 ulduza layiq görülüb

“Şahdəniz” Kompressiya layihəsinin ƏMSSTQ sənədinin layihəsini müzakirə etmək üçün ictimaiyyətlə görüş keçiriləcək

İş və istirahət günlərinin yerlərinin dəyişdirilməsi haqqında
Azərbaycan Respublikası Nazirlər Kabinetinin QƏRARI

HƏMAS Qəzza zolağının Fələstin Milli Administrasiyasına təhvil verilməsinə razılıq verib

Vatikan şəhəri dövləti üzrə qubernatorluğa yeni prezident təyin olunub

Bakıda bir sıra yollarda sıxlıq müşahidə olunur - SİYAHI

CNN: Səudiyyə Ərəbistanı ABŞ-Rusiya danışıqlarında vasitəçi kimi çıxış edəcək

Cəbrayıl sakini: İllər sonra qürurla ana vətənim Cəbrayıla qayıdıram

Keçmiş məcburi köçkün: Qayıtmaq, doğma yurdumuzda yaşayıb-yaratmaq lazımdır

Cəbrayıl şəhərinə növbəti köç karvanı yola salınıb VİDEO

Almaniyada federal seçkilərdə Kansler vəzifəsinə namizədlər teledebatda iştirak ediblər

Depressiya, asılılıq və digər beyin pozğunluqlarının daha effektiv müalicəsi mümkün ola bilər

Hakan Fidan: Türkiyə, ABŞ və Avropa Ukraynada sülh yolu ilə həll variantlarını axtarır

Zelenski müharibə zamanı həlak olan və yaralanan hərbçilərin sayını açıqlayıb

Şolts: Avropa Ukraynanın demilitarizasiyası ilə bağlı razılaşmaya icazə verməyəcək

İtaliyada zəlzələ olub

İtaliya A Seriyası: “Yuventus” “İnter”i məğlub edib

Bundesliqa: “Ayntraxt Frankfurt” doğma meydanda, “Hoffenhaym” və “Maynts” isə səfərdə qələbə qazanıb

Marko Rubio: Kiyev və Avropanın Ukrayna danışıqlarında iştirakı daha sonra lazım olacaq

“Bloomberg”: ABŞ Pasxa bayramına qədər Ukraynada atəşkəs əldə etmək istəyir

Qazaxıstanda ticarət mərkəzində tavan çöküb, xəsarət alanlar var

Avropa İttifaqı liderlərinin Paris görüşü qeyri-rəsmi olacaq

ABŞ-da güclü tufan nəticəsində 9 nəfər həyatını itirib

Berlində ifrat sağa qarşı etiraz aksiyasında 30 min nəfər iştirak edib

İngiltərə Premyer Liqası: “Mançester Yunayted” səfərdə “Tottenhem”ə uduzub

Bakıda yaşayış binasında yanğın olub, sakinlər təxliyə edilib

Azərbaycan Küveytdə “Dünya Xalqları Forumu” adlı mədəni tədbirdə təmsil olunub

Türkiyə Superliqası: “Fənərbağça” 3 xalı 3 qolla qazanıb

Şəhid hərbi pilot Əbu Bəkr İsmayılovun xatirəsi yad edilib

Müdafiə Nazirliyi həftəlik icmalı təqdim edib VİDEO

Xaçmazda avtomobil ağaca çırpılıb, ölən və yaralanan var

Premyer Liqa: “Qarabağ” penalti qolu ilə “Neftçi”ni məğlub edib

Azərbaycan Ordusunda andiçmə mərasimləri keçirilib

İngiltərə Premyer Liqası: "Liverpul" vacib qələbə qazanıb

Baş Dövlət Yol Polisi İdarəsindən dumanlı hava şəraiti ilə bağlı xəbərdarlıq

Beynəlxalq Olimpiya Komitəsinin tibbi eksperti Azərbaycan İdman Akademiyasında təlim keçib

Şimal-qərb bölgəsi üzrə təhsil müəssisələrindəki vakant vəzifələrə 610 namizəd imtahan verib

Azərbaycan cüdoçuları Bakıdakı “Böyük Dəbilqə” turnirini 5 medalla başa vurublar

Ceyhun Bayramov Serbiyanın Dövlətçilik Günü münasibətilə təşkil olunmuş qəbulda iştirak edib

Premyer Liqa: “Turan Tovuz” son dəqiqələrdə vurulan qolla “Araz-Naxçıvan”a qalib gəlib

“Neftçi” və “Qarabağ”ın start heyətləri açıqlanıb

Azərbaycan və Efiopiyanın İnvestisiya Holdinqləri arasında Anlaşma Memorandumu imzalanıb

Naxçıvanlı atlet Namiq Babayevdən ardıcıl 3-cü qızıl medal