12 AVQUST XƏZƏR DƏNİZİNİN ƏTRAF MÜHİTİNİN MÜHAFİZƏSİ GÜNÜDÜR
Bakı, 12 avqust (AZƏRTAC). 12 avqust - Xəzər dənizinin Ətraf Mühitinin Mühafizəsi Günüdür. Bu gün Xəzər dənizinin ətraf mühitinin çirklənmədən qorunması, dənizin bioloji ehtiyatlarının mühafizəsi, bərpası, davamlı və səmərəli istifadə edilməsi, həmçinin bu istiqamətdə əhalinin maarifləndirilməsi məqsədi ilə qeyd olunur.
“Xəzər dənizinin ətraf mühitinin mühafizəsi haqqında çərçivə konvensiyası” BMT-nin Ətraf Mühit Proqramının dəstəyi ilə Xəzəryanı dövlətlərin mütəxəssisləri tərəfindən hazırlanmışdır. Konvensiya ilə bağlı müzakirələr 1995-ci ildən 2003-cü ilədək keçirilən görüşlərdə davam etmişdir. 2003-cü il noyabrın 4-də yekun olaraq Tehranda keçirilmiş görüşdə Azərbaycan, Qazaxıstan və Rusiyanın, həmin il noyabrın 7-də isə Türkmənistanın səlahiyyətli nümayəndələri tərəfindən imzalanmışdır.
Konvensiya Xəzərin sahilində yerləşən 5 dövlət arasında Xəzər dənizi regionunda təbiətin mühafizə şərtlərini və müvafiq təşkilati mexanizmi əks etdirən ilk hüquqi sazişdir.
Bölmənin digər xəbərləri
