2006-CI İLDƏ BAYRAM GÜNLƏRİ İLƏ ƏLAQƏDAR İŞ GÜNLƏRİ HESAB OLUNMAYAN İSTİRAHƏT GÜNLƏRİ HAQQINDA AZƏRBAYCAN RESPUBLİKASI NAZİRLƏR KABİNETİNİN QƏRARI

2006-CI İLDƏ BAYRAM GÜNLƏRİ İLƏ ƏLAQƏDAR İŞ GÜNLƏRİ HESAB OLUNMAYAN İSTİRAHƏT GÜNLƏRİ HAQQINDA
AZƏRBAYCAN RESPUBLİKASI NAZİRLƏR KABİNETİNİN QƏRARI

30.12.2005 [20:28]
Çap et
A⁺ A^-

“Azərbaycan Respublikasının Əmək Məcəlləsinə dəyişikliklər və əlavə edilməsi barədə” Azərbaycan Respublikasının 2005-ci il 30 dekabr tarixli 44-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2005-ci il 30 dekabr tarixli 349 nömrəli Fərmanının icrasını təmin etmək məqsədi ilə və Azərbaycan Respublikası Əmək Məcəlləsinin 105-ci maddəsini rəhbər tutaraq, Azərbaycan Respublikasının Nazirlər Kabineti qərara alır:

1. Müəyyən edilsin ki, 2006-cı ildə həftələrarası istirahət günləri ilə iş günləri hesab olunmayan bayram günlərinin üst-üstə düşməsi ilə əlaqədar olaraq 3 və 4 yanvar, 29 may və 13 noyabr tarixləri istirahət günləridir.

2. Azərbaycan Respublikası Nazirlər Kabinetinin “Qurban, Novruz və Ramazan bayramları haqqında” 2005-ci il 26 dekabr tarixli 240 nömrəli qərarının 1-ci bəndində “Ramazan bayramı isə 23 oktyabr” sözləri “Ramazan bayramı isə 23-24 oktyabr” sözləri ilə əvəz edilsin.

3. Bu qərar imzalandığı gündən qüvvəyə minir.

Artur Rasi-zadə

Azərbaycan Respublikasının Baş naziri

Bakı şəhəri, 30 dekabr 2005-ci il.