8 Noyabr - Zəfər Gününə həsr olunan stolüstü tennis yarışı yekunlaşıb
Bakı, 29 oktyabr, AZƏRTAC
Stolüstü tennis üzrə “Biz bir ölüb, min dirilərik” devizi ilə keçirilən respublika turnirinə yekun vurulub.
AZƏRTAC xəbər verir ki, 8 Noyabr - Zəfər Gününə həsr olunan yarışa Bakı, Sumqayıt, Şəki və Şabran idmançıları qatılıblar.
Sumqayıt şəhərindəki “Qarabağ NN” stolüstü tennis idman klubunda təşkil olunan yarış 2012-ci il təvəllüdlü və daha az yaşlı iştirakçılar arasında keçirilib.
İki gün davam edən yarışın nəticələrinə əsasən oğlanların turnirində mükafatlara Şabran təmsilçiləri layiq görülüblər.
Vaqif Babayev birinci, Zərbah Muradov ikinci, Həsrət Kamilov ilə Yasin Zeyni üçüncü yeri tutublar.
Final görüşündə Rüqəyya Qasımzadəni (Sumqayıt) məğlub edən Xədicə Babazadə (Şəki) qızlar arasında baş mükafata sahib çıxıb. Peykər Vəlizadə (Sumqayıt) ilə Sofiya Trofimenko (Sumqayıt) üçüncü yerdə qərarlaşıb.
Turnirin mükafatçılarına Azərbaycan Stolüstü Tennis Federasiyasının diplom, medal və hədiyyələri təqdim olunub.
Bölmənin digər xəbərləri
