Kiyevdə hava zərbələri nəticəsində ölənlərin sayı 20 nəfərə çatıb
Kiyev, 2 iyul, AZƏRTAC
Rusiya ordusunun iyulun 1-dən 2-nə keçən gecədən başlayaraq Ukraynanın paytaxtı Kiyev şəhərinə endirdiyi kütləvi hava zərbələri nəticəsində həlak olan mülki şəxslərin sayı 20 nəfərə çatıb.
AZƏRTAC xəbər verir ki, bu barədə Kiyev şəhər Hərbi Administrasiyasının rəhbəri Timur Tkaçenko məlumat verib.
Qeyd edək ki, Rusiya ordusunun Kiyevə endirdiyi kütləvi hava zərbələri nəticəsində 30-a yaxın yaşayış binası dağılıb. Ən böyük dağıntı isə Kiyevin Darnitski rayonunda yerləşən 9 mərtəbəli binada baş verib. Hazırda dağıntıların altında insanların qaldığı güman olunur.
Kiyev şəhərinin meri Vitali Kliçko iyulun 3-də Kiyevdə matəm elan edildiyini açıqlayıb.
Rusiya ordusunun şəhərə hava hücumu zamanı ümumilikdə 70-dən artıq müxtəlif tipli raketdən və 500-ə yaxın drondan istifadə etdiyi bildirilir.
Bölmənin digər xəbərləri
