Suriyalı nazir “Hizbullah” nümayəndələri ilə görüşməyə hazır olduğunu açıqlayıb
Bakı, 2 iyul, AZƏRTAC
Suriyanın xarici işlər naziri Əsad əş-Şeybani “Hizbullah” hərəkatının nümayəndələri ilə görüşməyə hazır olduğunu bildirib.
AZƏRTAC xəbər verir ki, nazir bu barədə Livan Parlamentinin sədri Nəbih Bərri ilə Beyrutda keçirdiyi görüşdən sonra jurnalistlərə açıqlama verib.
“Dövlətlərimiz arasında danışıqlar uğurlu, əlaqələrin möhkəmləndirilməsi üçün faydalı olub. Biz bu məsələni “Hizbullah” hərəkatının nümayəndələri ilə müzakirə etmədik və bu səfər zamanı onlarla heç bir görüş planlaşdırılmayıb. Lakin bəyan edirik ki, əgər fayda verəcəksə, bu cür təmaslara hazırıq”, - deyə Əsad əş-Şeybani vurğulayıb.
Bölmənin digər xəbərləri
