Günəş enerjisi ilə işləyən "Solar Impulse 2" təyyarəsi iki dünya rekordunu təzələyib VİDEO
Bakı, 4 iyul, AZƏRTAC
Günəş batareyaları ilə təchiz olunmuş "Solar Impulse 2" təyyarəsi Yaponiyadan havaya qalxdıqdan beş sutka sonra uğurla Havay adalarına enib. Uçuş zamanı təyyarənin orta sürəti saatda cəmi 70 kilometr təşkil edib.
AZƏRTAC Vesti.ru saytına istinadla xəbər verir ki, ekoloji təmiz təyyarə ümumilikdə 117 saat havada qalıb. Yerə endikdən sonra faktiki olaraq 5 sutka yatmayan pilot əsl qəhrəman kimi qarşılanıb. "Solar Impulse 2" eyni vaxtda iki dünya rekordunu təzələyib. Belə ki, əlavə yanacaq doldurmadan ən uzunmüddətli uçuş həyata keçirib və günəş batareyaları ilə təchiz olunmuş təyyarələr arasında ən uzaq məsafəyə uçub.
Qısamüddətli istirahətdən sonra ekipaj dünya səyahətinə davam edəcək. Uçuş avqust-sentyabr aylarında Əbu-Dabidə başa çatmalıdır.
Bölmənin digər xəbərləri
