REGİONLAR
Cəlilabadda günəbaxan yığımına başlanılıb VİDEO
Cəlilabad, 30 iyul, Bağır Əliyev
Bir neçə gündür Cəlilabad rayonunun günəbaxan sahələrində məhsul yığımına başlanılıb.
AZƏRTAC xəbər verir ki, rayonda günəbaxan təsərrüfatı ilə məşğul olan fermerlər və məhsul istehsalçıları bu il suvarma sahəsində çətinliklərlə üzləşməyiblər. Bu isə məhsul bolluğuna səbəb olub.
Becərmə dövründə görülən yüksək səviyyəli aqrotexniki tədbirlər məhsuldarlığa da müsbət təsir edib, sahələrin hər hektarından 17 sentner məhsul toplanması gözlənilir.
Məhsulun yığımı prosesi aparıldığından günəbaxan tumunun ilkin satış qiyməti müəyyənləşməyib. Amma fermerlər qiymətlərin yüksək olacağına ümid edirlər.