ASCO-nun Təlim Tədris Mərkəzində xarici tələbələr üçün seminar keçirilib
Bakı, 1 noyabr, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasının tərkibində fəaliyyət göstərən Təlim Tədris Mərkəzində xarici tələbələr üçün seminar keçirilib.
ASCO-dan AZƏRTAC-a bildirilib ki, “Beynəlxalq Dəniz Təşkilatının (IMO) Tənzimləmə Çərçivəsi vasitəsilə dəniz sənayesi üçün keyfiyyət standartlarının əlavə dəyəri” mövzusunda keçirilən seminarı kapitan Titos Giannakakis aparıb. Beşgünlük təlim zamanı kurs iştirakçılarına Beynəlxalq Dəniz Təşkilatının təhlükəsizlik qaydaları, bu qaydaların dənizçilik sahəsindəki keyfiyyət standartlarına, davamlı inkişafa və idarəçiliyə təsiri barədə ətraflı məlumat verilib.
Seminar interaktiv formada keçirilib, iştirakçıların fikirləri dinlənilib, sualları cavablandırılıb.
Bölmənin digər xəbərləri
