Altı ay ərzində Azərbaycanda təxminən 1600 yeraltı təkan qeydə alınıb
Bakı, 6 iyul, AZƏRTAC
Altı ay ərzində Azərbaycan ərazisində təxminən 1600 yeraltı təkan qeydə alınıb. Onlardan 32-si hiss olunub.
Bu barədə AZƏRTAC-a Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin informasiya şöbəsinin müdiri Vüsalə Rafiqqızı məlumat verib.
Mətbuat katibi bildirib ki, ötən dövrdə maqnitudasına görə ən böyük yeraltı təkan Zaqatalada qeydə alınıb. İyunun 5-də, yerli vaxtla saat 22:40:27-də baş verən və ocağı 10 kilometr dərinlikdə yerləşən zəlzələnin maqnitudası 5,5 bal olub. İyirmi səkkiz saniyə davam edən yeraltı təkanlar episentrdə 6 bal, ətraf rayonlarda 3-5 baladək hiss edilib.
Bölmənin digər xəbərləri
