Azərbaycanlı cərrah “Springer” nəşriyyatında çap olunan kitabda bir bölmənin müəllifidir
Bakı, 9 mart, AZƏRTAC
Mərkəzi Gömrük Hospitalının ümumi cərrahı, tibb üzrə fəlsəfə doktoru Aynur Səfiyeva dünyanın ən nüfuzlu beynəlxalq elmi nəşriyyatlarından olan “Springer” nəşriyyatının yenicə çapdan çıxmış “Anal fistula və abses” adlı kitabında bir bölmənin müəllifidir.
AZƏRTAC xəbər verir ki, onun müəllifi olduğu “Anal fistulaların lazerlə müalicəsi” bölməsində son illərdə ən yeni əməliyyatlardan biri sayılan anal fistulalarda lazerlə müalicə üsulları araşdırılır.
Son illərdə ABŞ və Avropada mürəkkəb anal fistulaların müalicəsində yeni tendensiyalar müşahidə olunur və bunlar biotexnologiyanın müasir uğurlarından bəhrələnməklə əldə edilən yeni toxumaların, o cümlədən bioloji parçalana bilən materialların və biomateriallardan hazırlanmış bioprotez tıxacların tətbiqinə əsaslanır. Azərbaycanlı cərrah öz məqaləsində bunu araşdıraraq lazer üsulu ilə fistulaların müalicə yollarını göstərib. O, anal fistulaların lazerlə müalicəsində yenilənmiş diaqnostik prosedurları, üsulları və göstəriciləri təqdim edib.
Bölmənin digər xəbərləri
