Rusiya Xəzər dənizinin rəqəmsal modelinin yaradılmasını təklif edib
Moskva, 9 oktyabr, AZƏRTAC
Rusiya süni intellektdən istifadə etməklə Xəzər dənizinin səviyyəsi ilə bağlı dəyişiklikləri proqnozlaşdırmaq üçün onun rəqəmsal modelinin yaradılmasını təklif edib.
AZƏRTAC xəbər verir ki, bunu Rusiya Prezidenti Vladimir Putin Xəzər Ekoloji Sammitində çıxışı zamanı deyib.
Onun sözlərinə görə, söhbət buxarlanma, yağıntılar və çay axınlarının dinamikasının təhlili əsasında Xəzər dənizinin səviyyəsinin dəyişməsi ilə bağlı etibarlı ssenariləri hesablamağa imkan verəcək yüksəkdəqiqlikli virtual modeldən gedir.
O qeyd edib ki, rəqəmsal modeldən naviqasiya marşrutlarının dəqiqləşdirilməsi və onlara düzəlişlərin edilməsi, eləcə də gəmiçiliyin təhlükəsizliyinin artırılması üçün də istifadə oluna bilər.
V.Putin MDB ölkələrini bu təşəbbüsə qoşulmağa dəvət edib.
Bölmənin digər xəbərləri
