REGİONLAR


“Azərtütün ASK” MMC-nin tütün sahələrində yaşıl tütünün yığımına başlanılıb

Zaqatala, 29 iyun, Mustafa Dadaşov, AZƏRTAC

Builki mövsümdə “Azərtütün ASK” MMC tərəfindən respublikamızın şimal-qərb bölgəsinə daxil olan Zaqatala, Balakən, Qax və Şəki rayonlarında 1527,5 hektar sahədə “Virciniya botaniki” növlü tütün əkilib. Bir neçə gündür cəmiyyətə məxsus sahələrdə yaşıl tütün yarpağının dəriminə start verilib. İlk olaraq Balakən rayonunun təsərrüfatlarında tütün yığımına başlanılıb. Bir gün sonra Şəki tütünçüləri də mövsümün ilk məhsulunun yığımına başlayacaqlar.

Bu barədə AZƏRTAC-ın bölgə müxbirinə “Azərtütün ASK” MMC-nin şöbə müdiri Mütəllib Mustafayev məlumat verib.

Qurum rəsmisi bildirib ki, builki mövsümdə Şəki rayonunda 598,46 hektar, Qaxda 283,9 hektar, Zaqatalada 398,83 hektar, Balakəndə isə 246,27 hektar sahəyə “Virciniya botaniki” növlü tütün əkilib. Tütün istehsalı ilə əlaqədar bu il həmin rayonlarda 195 fermerlə müqavilə bağlanılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.