İDMAN


“Çelsi” futbol klubunun üzvləri Bakıya yola düşüblər

Bakı, 27 may, Nicat Məmmədov, AZƏRTAC

UEFA Avropa Liqasının Bakıda keçiriləcək final görüşünün digər iştirakçısı - “Çelsi” klubunun futbolçuları mayın 27-də Bakıya yola düşüblər.

AZƏRTAC “Çelsi” klubunun “Twitter” səhifəsinə istinadla xəbər verir ki, futbolçular təxminən saat 22:30 radələrində Heydər Əliyev Beynəlxalq Aeroportuna çatacaqlar.

Xatırladaq ki, “Çelsi” UEFA Avropa Liqasının 2018-2019-cu il mövsümünün mayın 29-da Bakı Olimpiya Stadionunda keçiriləcək final görüşündə “Arsenal” komandası ilə üz-üzə gələcək. Matç saat 23:00-da başlayacaq. “Çelsi” həlledici görüşdə qalib gələrsə tarixində ikinci dəfə bu titula sahib olacaq. Klub 2013-cü ildə Portuqaliyanın “Benfika” klubunu 2:1 hesabı ilə məğlub edərək tarixində ilk dəfə UEFA Avropa Liqasının qalibi adını qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.