Corc Floyd dəfn edilib
Bakı, 10 iyun, AZƏRTAC
Afrika əsilli amerikalı Corc Floyd çərşənbə axşamı Hyuston yaxınlığında (ABŞ, Texas ştatı) Perlend qəbiristanında dəfn edilib.
AZƏRTAC TASS informasiya agentliyinə istinadla xəbər verir ki, mərhumun ailə üzvlərinin, dostlarının, məhdud sayda qonaqların buraxıldığı qapalı dəfn mərasimi ABŞ-ın teleşirkətləri, o cümlədən CNN tərəfindən işıqlandırılıb.
Mərasimdə dini liderlər, siyasətçilər, ictimai xadimlər çıxış ediblər.
Xatırladaq ki, mayın 25-də Corc Floyd polis tərəfindən öldürülüb. İnsidentlə bağlı kadrlar internetdə yayıldıqdan sonra polislərdən dördü işdən çıxarılıb, birinə isə ehtiyatsızlıqdan ölümə səbəb olma maddəsi üzrə ittiham irəli sürülüb. Buna baxmayaraq, ABŞ-ın bir çox ştatında iğtişaşlarla müşayiət olunan etiraz aksiyaları başlayıb. Kütləvi iğtişaşlar səbəbindən Vaşinqton və Nyu-York da daxil olmaqla, ölkənin təxminən 40 şəhərində komendant saatı tətbiq olunub.
Bölmənin digər xəbərləri
