Sadır Japarov Qırğızıstan prezidentliyinə yenidən namizəd olacağını açıqlayıb
Bakı, 14 avqust, AZƏRTAC
Qırğızıstanın dövlət başçısı Sadır Japarov ölkənin 2027-ci il prezident seçkilərində yenidən namizədliyini irəli sürəcəyini rəsmi olaraq açıqlayıb.
AZƏRTAC “Kabar” agentliyinə istinadla xəbər verir ki, Sadır Japarov jurnalistlərə müsahibəsində deyib: “Mən daha bir müddətə namizədliyimi irəli sürəcəyəm”. O, digər namizədlərə heç bir məhdudiyyət qoyulmayacağını vurğulayıb, həmçinin dövlət qurumlarının və təşkilatlarının işçilərinə inzibati təzyiq göstərilmədən ədalətli seçki prosesini təmin edəcəyinə söz verib.
“Seçkilərdə səs vermək istəyənlər xoş qarşılanır. Heç kim məhdudiyyətlərlə üzləşməyəcək. Seçkilər şəffaf və qanuna tam uyğun şəkildə keçiriləcək”, - deyə o bildirib.
Daha əvvəl Qırğızıstanda növbəti prezident seçkilərinin 27 yanvar 2027-ci il tarixinə təyin olunduğu bildirilirdi. 2026-cı ilin iyun ayında Joqorku Keneş deputatları seçkilərlə bağlı Qırğızıstan Konstitusiya Qanununa dəyişikliklər edilməsi haqqında qanun layihəsini qəbul ediblər. Sənədə əsasən, seçkilərin tarixi dəyişdirilib. Spiker Marlen Mamataliyevin sözlərinə görə, bu qərar seçici fəallığını artırmaq məqsədi daşıyır.
Bölmənin digər xəbərləri
