Yasamal və Suraxanının bəzi hissələrində elektrik enerjisinin verilişində fasilələr yaranacaq
Bakı, 14 avqust, AZƏRTAC
Avqustun 14-də Yasamal Rayon Enerji Təchizatı və Satışı İdarəsinin (RETSİ) xidməti ərazisində Transformator Məntəqəsində (TM) təmir işi aparılacaq.
“Azərişıq” ASC-dən AZƏRTAC-a bildirilib ki, bununla əlaqədar saat 10:00-dan 13:00-dək Ələsgər Ələkbərov, Məmməd Rəhim, Landau, Qurban Xəlilov küçələrinin bir hissəsində elektrik enerjisinin verilişində məhdudiyyət tətbiq olunacaq.
Suraxanı RETSİ-nə daxil olan 35/6 kV-luq “BMTZ” yarımstansiyasında yenidənqurma işləri həyata keçiriləcək. Planlı fasilə saat 11:00-dan 14:00-dək Səttar Bəhlulzadə, İlqar Məmmədov, Bülbülə, Vüqar Bədəlov küçələrinin bəzi ərazilərini əhatə edəcək.
Görülən işlər yekunlaşdıqdan sonra adıçəkilən ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.
Bölmənin digər xəbərləri
