Bakı Slavyan Universiteti yüksək bal toplayan abituriyent üçün xüsusi təqaüd təsis edir
Bakı, 14 avqust, AZƏRTAC
Bakı Slavyan Universiteti (BSU) yeni tədris ilində yüksək nəticə göstərən, bilik və bacarığı ilə seçilən abituriyentlər üçün xüsusi imkanlar yaratmağa davam edir.
BSU-dan AZƏRTAC-a bildirilib ki, bu universiteti seçən və ən yüksək bal toplayan tələbə “Yeni dövrün gəncliyi” təqaüd proqramına layiq görüləcək. Təqaüd proqramı yüksək nəticə göstərən, akademik göstəriciləri ilə fərqlənən və qarşıya böyük hədəflər qoyan gənclərin dəstəklənməsinə yönəlib.
BSU bu təşəbbüslə istedadlı gənclərin universitetə cəlb olunmasına, onların potensialının inkişaf etdirilməsinə və təhsil sahəsində yüksək nəticələrin təşviqinə töhfə verməyi qarşıya məqsəd qoyur.
Yüksək nəticə göstərən abituriyentlər üçün yaradılan bu imkanlar gənclərin yeni akademik və peşəkar hədəflərə doğru irəliləməsinə əlavə stimul verəcək.
Bölmənin digər xəbərləri
