Tramp dron idxalına 100 faizədək rüsum tətbiq edib
Bakı, 14 avqust, AZƏRTAC
ABŞ Prezidenti Donald Tramp dronların və onların komponentlərinin idxalına rüsum tətbiq edən Fərman imzalayıb.
AZƏRTAC xəbər verir ki, bu barədə Ağ Ev məlumat yayıb.
Ən yüksək tariflər (100%) maksimum uçuş çəkisi 25 kiloqramdan çox olan dronlara və termal görüntüləmə cihazlarına, eləcə də dok stansiyalarına və vacib komponentlərə tətbiq olunacaq.
Xüsusi imkanları və digər komponentləri olmayan daha kiçik dronlara 25 faiz rüsum tətbiq ediləcək. Avropa İttifaqı, Yaponiya, Cənubi Koreya, İsveçrə, Lixtenşteyn və Tayvandan olan mallar üçün rüsum 15 faiz, Böyük Britaniya üçün isə 10 faiz olacaq. Lakin bütün avadanlıq və proqram təminatı bu ölkələrdə və ABŞ-da istehsal olunmalıdır.
Tariflər fərman imzalandıqdan 21 gün sonra, daha az həssas komponentlər üçün isə 180 gün sonra qüvvəyə minəcək.
Bölmənin digər xəbərləri
