® Aritmiya: Ürək Ritm Pozuntusuna Diqqət!
Tibbi termini aritmiya olan ürək ritm pozuntusu ürək ritmindəki anormallıqdır və ürəkdəki siqnalların düzgün işləməməsi nəticəsində sürətli, yavaş və ya nizamsız bir ürək döyüntüsü ritmidir. Ürək ritminin pozulması həyat üçün təhlükə yarada bilər və təcili tibbi yardım tələb edir. Bioloji Təbabət Klinikasının həkimləri bildirir ki, gün ərzində ürək döyüntüsünün dəyişməsi, yəni sürətli və ya yavaş ürək döyüntülərinin ölçülməsi də normal sayıla bilər. Xüsusilə sıx məşq və fiziki fəaliyyət zamanı ürək döyüntüləri artsa da, yuxu zamanı ürək döyüntüləri yavaşlaya bilər.
Aritmiyanın növləri hansılardır?
Klinikanın kardioloqları qeyd edir ki, pasiyentlər daha çox taxikardiyanı (ürək döyünmələrin sayının çox olması) aritmiya kimi bilsələr də aritmiyanın bir çox növü var.
Bradikardiya: Ürək döyüntüsünün normaldan daha yavaş olduğu bir aritmiya növüdür.
Taxikardiya: Ürək döyüntülərinin normaldan daha sürətli olduğu bir vəziyyətdir.
Supraventrikulyar Aritmiya: Bunlar atriumdan (atrium) qaynaqlanan ritm pozuntularıdır. Nümunələrə atrial fibrilasiya (səyirici aritmiya) və atrial titrəmə (atrial flutter) daxildir.
Ventrikulyar Aritmiya: Bunlar mədəciklərdən qaynaqlanan ritm pozuntularıdır və adətən daha təhlükəli olurlar. Ventriküler fibrilasiya ən təhlükəli mədəcik aritmiyalarından biridir və təcili müdaxilə tələb edir.
Qulaqcıqların fibrilasiyası: Ən çox rast gəlinən aritmiya növlərindən biridir və qulaqcıqların nizamsız və daha çox sürətli yığılması müşahidə olunur.
Ventriküler taxikardiya: mədəcik ocaqlarından yaranan sürətli və nizamsız ürək döyüntülərini ehtiva edən aritmiya növü.
Ventriküler fibrilasiya: Bu təcili vəziyyətdir və mədəciklərin koordinasiya olunmamış yığılması nəticəsində nizamsız və sürətli ürək döyüntüsü ilə xarakterizə olunur.
Klinikanın kardioloqları qeyd edir ki, buraya aritmiya növlərinin, sadəcə, bir neçə nümunəsi daxildir. Hər bir aritmiya simptomları, səbəbləri və müalicə üsulları ilə fərqlənə bilər. Buna görə də, aritmiya şübhəsi varsa, kardioloqa müraciət etmək vacibdir.
Aritmiyanın səbəbləri nələrdir?
Aritmiyanın yaranmasına təsir edən bir çox faktorlar var. Belə ki:
- ürək xəstəlikləri (miokard infarktı, ürəyin qapaq xəstəlikləri, ürəyin iltihabi xəstəlikləri - miokardit, perikardit;
- hipertoniya xəstəliyi;
- hormonal dəyişiklik (qalxanabənzər vəz xəstəlikləri);
- yuxu apnesi;
- müxtəlif dərmanların sui-istifadəsi;
- zərərli vərdişlər- alkoqol, tütün, narkotik maddə, energetik içkilərin istifadəsi aritmiyanın yaranmasının səbəbləri sırasında yer alır.
Aritmiyaları necə müalicə etmək olar?
Ürək ritminin pozulmasını müalicə etmək üçün əvvəlcə problemin əsas səbəbini müəyyən etmək lazımdır. Səbəbi müəyyən edildikdən sonra səbəbə uyğun müalicələr aparılır. Müalicə sxeminə həyat tərzi dəyişiklikləri, dərman istifadəsi, ehtiyac olarsa bəzi tibbi cihazların implantasiyası və cərrahi müdaxilə aiddir.
Bioloji Təbabət Klinikasının kardioloqları bildirir ki, ürək ritminin pozulmasının müalicəsində istifadə olunan üsullar ümumi olaraq bunlardır:
- aritmiyaya qarşı dərmanlar (antiaritmik dərmanlar);
- həyat tərzində ediləcək dəyişikliklər;
- bəzi müalicələr, məsələn, kateter ablasyonu və kardiyoversiya;
- bəzi tibbi cihazlar, məsələn, daimi kardiostimulyatorlar;
- ürək əməliyyatları.
Aritmiyanın inteqrativ tibblə müalicəsi necə olur?
Ürək ritminin pozulması (aritmiya) inteqrativ təbabət yanaşması ilə müalicə edilə bilər, lakin bütün xəstəliklərdə olduğu kimi aritmiyanın müalicəsində də müalicə planı xəstənin vəziyyətindən asılı olaraq dəyişir. Bioloji Təbabət Klinikasının kardioloqları aritmiyanın inteqrativ təbabətlə müalicəsinə dair bir neçə yanaşmanı qeyd edib:
- Qidalanma. Sağlam pəhriz ürək sağlamlığını dəstəkləməyə kömək edir. Düzgün qidalanma ürək xəstəliklərindən qorunmada və müalicədə əsas faktorlardandır.
- Mineral balansının tənzim olunması.
- Drenaj detoksikasiya vasitəsilə toksinlərin orqanizmdən çıxarılması
- Zədələnmiş orqanın bərpasına yönəlmiş xüsusi orqan preparatlarının istifadəsi inteqrativ təbabət üsulu ilə aritmiyanın müalicəsini əhatə edir.
Müalicənin effektiv olması, düzgün şəkildə getməsi üçün peşəkar mütəxəssisə müraciət etməli olduğunuzu unutmayın.
Bölmənin digər xəbərləri
