"Cəbrayıl" komandası UEFA Region kuboku yarışında ilk oyununu keçirib
Bakı, 24 iyun, AZƏRTAC
UEFA Region kuboku yarışında ölkəmizi təmsil edən “Cəbrayıl” futbol komandası bu gün ilkin seçmə mərhələnin ikinci qrupunda ilk oyununu keçirib.
AZƏRTAC xəbər verir ki, Şamaxı şəhər stadionunda Belarusun “Kolos” komandası ilə qarşılaşan komandamız 1:2 hesabı ilə məğlub olub.
Təmsilçimizin heyətində matçın 10-cu dəqiqəsində Mehman Süleymanlı fərqlənib. “Cəbrayıl”ın heyətində 39-cu dəqiqədə Aqşin Paşayev penaltidən yararlana bilməyib. Komandamızın qapıçısı Babək Allahverdiyev 40-cı dəqiqədə qırmızı vərəqə alıb.
Bu komandaların cavab qarşılaşması iyunun 26-da keçiriləcək.
Bölmənin digər xəbərləri
