"GameSummit"in marketinq direktoru: "Bu festivala maraq böyükdür”
Bakı, 29 may, AZƏRTAC
"Bu il bizim üçün yaddaqalan olacaq".
AZƏRTAC xəbər verir ki, bu sözləri Bakıda keçiriləcək regionun ən böyük oyun festivalı olan “GameSummit"in marketinq üzrə direktoru Mir Azad Əliyev jurnalistlərə açıqlamasında deyib.
O, Azərbaycanda "GameSummit"ə böyük marağın olduğunu bildirib: "Dünyada təxminən 8 milyarda yaxın insan yaşayır. Onların 2 milyardı sosial şəbəkə istifadəçisidir. Həmin şəxslər arasında oyunlara maraq göstərənlər var. Sevindirici haldır ki, ildən-ilə bu oyunlara maraq artır. Gənclər də "Crystal Hall"a gələrək bu oyunlarla tanış ola bilərlər".
Qeyd edək ki, Bakıda regionun ən böyük oyun festivalı olan “GameSummit Baku 2024”ün açılış mərasimi mayın 31-də “Crystall Hall”da tanınmış britaniyalı müğənni Con Nyumanın iştirakı ilə baş tutacaq. Festival iyunun 2-dək davam edəcək.
Bölmənin digər xəbərləri
