Bakı, 5 sentyabr (AZƏRTAC). "Microsoft-Azərbaycan" şirkəti “BizSpark” proqramı çərçivəsində startap müəlliflərinə 50 min dollarlıq pulsuz proqram təminatı təqdim edəcək.

Şirkətdən AZƏRTAC-a bildirilib ki, layihə “Yüksək Texnologiyalar Parkı” MMC ilə imzalanan Anlaşma Memorandumu çərçivəsində həyata keçiriləcək. Vəsait Yüksək Texnologiyalar Parkında işləyən startaperlərə təqdim olunacaq. Gələcəkdə hər bir startap layihəsi üzrə ayrıca müqavilələrin bağlanılması planlaşdırılır.