AAC şirkəti tullantılardan səmərəli istifadə edir
Bakı, 30 aprel (AZƏRTAC). Azərbaycanda yeni, ekoloji cəhətdən təmiz tikinti materialı olan “gobustone” məsaməli beton blokları istehsal edən AAC şirkəti bu gün istifadəyə yararsız kağızları “Kağız və Karton İstehsalı Kombinatı” MMC-nin qəbul məntəqəsinə təqdim etmişdir.
Şirkətin mətbuat xidmətindən AZƏRTAC-a bildirmişlər ki, kağız tullantılarının yığılmasının ətraf mühitin qorunmasında önəmli məsələ olduğu üçün əməkdaşlar istifadə olunmuş kağızları toplayıb yenidən emala vermək qərarına gəlmişlər. Bunun üçün ofisdə üzərinə “100 kiloqram kağız =1 ağac” yazılmış qutular qoyulmuşdur. Yığılmış kağızlar bu sahədə ixtisaslaşmış Azərbaycan Kağız və Karton İstehsalı Kombinatına təhvil verilmişdir.
2012-ci ildən fəaliyyətə başlamış bu kombinatda gün ərzində 40 ton kağız-karton emal olunur.
Qeyd edək ki, 1 ton tullantı kağızın yenidən emalı təxminən 10 ağacın kəsilməsinin qarşısını alır, 2 min kilovat elektrik enerjisinə, 200 kubmetr suya qənaət olunmasına şərait yaradır.
Bölmənin digər xəbərləri
