ABRAMOVİÇ “ÇELSİ”NİN MƏŞQÇİSİNƏ OYUNÇULARI SATMAĞI TAPŞIRMIŞDIR

11.01.2007 [20:12]
Çap et
A⁺ A^-

AZƏRTAC xarici KİV-lərə istinadla xəbər verir ki, Londonun “Çelsi” klubunun sahibi Roman Abramoviç komandanın baş məşqçisi Joze Mourinyuya bildirmişdir ki, yeni futbolçular almaq üçün vacib şərt heyətdə möhkəmlənməmiş oyunçuları satmaq olacaqdır.

Abramoviç gənc futbolçular alınmasına, hətta özlərini “Çelsi”də göstərə bilməsələr belə, vəsait ayırmağa əvvəlkitək hazırdır.

Lakin London klubunun sahibi hesab edir ki, “Çelsi”yə yeni futbolçular almaq üçün heyətdə nadir hallarda oynayan futbolçularla vidalaşmalıdır. Bu siyasət çərçivəsində 2005-ci ilin yayında “Mançester Siti”dən alınmış yarımmüdafiəçi Şon Rayt-Fillips artıq yanvar ayında “Vest Hem” komandasına satıla bilər.

Bu oyunçu üçün “Çelsi”yə 9,8 milyon funt sterlinq (təxminən 17,5 milyon dollar) təklif olunmuşdur, lakin Rayt-Fillipsin özü karyerasını “Vest Hem”də davam etdirmək istəmir.

ABRAMOVİÇ “ÇELSİ”NİN MƏŞQÇİSİNƏ OYUNÇULARI SATMAĞI TAPŞIRMIŞDIR

MÜƏLLİFLƏ ƏLAQƏ

Bölmənin digər xəbərləri