ABŞ-da Maskın “Neuralink” şirkətinə qarşı araşdırma başlayıb
Bakı, 13 dekabr, AZƏRTAC
ABŞ Qiymətli Kağızlar və Birja Komissiyası amerikalı biznesmen İlon Maskın “Neuralink” startapı ilə bağlı təhqiqata başlayıb.
AZƏRTAC xəbər verir ki, İlon Mask bu barədə özünün “X” sosial media platformasında yazıb.
Biznesmenin vəkilinin müvafiq məktubunda komissiyanın İlon Maskdan pul ödənişi ilə razılaşmağı tələb etdiyi, əks halda ona qarşı ittiham irəli sürüləcəyi bildirilib. Burada konkret hansı ittihamlardan söhbət getdiyi açıqlanmır.
2022-ci ildə ABŞ-ın Kənd Təsərrüfatı Nazirliyinin Baş müfəttişlik idarəsi prokurorluğun tələbi əsasında heyvanlar üzərində təcrübələri tənzimləyən qanunları pozduğuna görə, “Neuralink” şirkəti ilə bağlı təhqiqata başlayıb.
İnsan beyninə implantasiya oluna biləcək çiplər üzərində işləyən “Neuralink” startapı 2016-cı ilin iyulunda İlon Mask tərəfindən yaradılıb. Şirkət 2023-cü il mayın 25-də ABŞ Səhiyyə Nazirliyinin dərman preparatlarının və ərzaq məhsullarının idarə olunması və nəzarəti idarəsindən insanlar üzərində klinik sınaqlar keçirmək üçün icazə alıb.
Bölmənin digər xəbərləri
