ABŞ-DA MÜHARİBƏ ƏLEYDARLARI HƏBS EDİLMİŞLƏR
ONLARIN ARASINDA NOBEL MÜKAFATI LAUREATLARI DA VARDIR
Rusiyanın “Novosti” informasiya agentliyindən AZƏRTAC-a daxil olmuş xəbərdə deyilir ki, Vaşinqtonda müharibə əleyhinə nümayiş zamanı Nobel sülh mükafatının iki laureatı da həbs edilmişdir.
Mayrid Korriqan Maquayer bu mükafatı Şimali İrlandiyada münaqişənin nizama salınmasında iştiraka görə almışdır. Codi Uilyams yüksək mükafata piyada əleyhinə minaların qadağan edilməsi uğrunda beynəlxalq hərəkatın əlaqələndiricisi kimi layiq görülmüşdür.
Onlarla birlikdə daha 65 adam həbs olunmuşdur. Müxtəlif dini konfessiyaların liderləri, Vaşinqtonun tanınmış ravvinlərindən biri və ABŞ-ın keçmiş müdafiə naziri köməkçisinin müavini Daniel Ellsberq də həbs edilənlər arasındadır. Yeri gəlmişkən, 60-cı illərin axırlarında Pentaqonun Vyetnamda müharibə haqqında məxfi materiallarını mətbuata Ellsberq vermişdi.
Nyu-Yorkda da 400-dək nümayişçi gur gəliş-gediş saatında məşhur 5-ci prospektdə hərəkəti dayandırmışdır. Onlar özlərini İraq müharibəsində ölənlər kimi göstərərək, küçənin düz ortasına uzanmışlar. Polis 60-dək nümayişçini həbsə almışdır.
Bölmənin digər xəbərləri
