ABŞ Hərbi Hava Qüvvələrinə məxsus “F-22” qırıcısı Florida poliqonunda qəzaya uğrayıb
Vaşinqton, 16 may, AZƏRTAC
ABŞ Hərbi Hava Qüvvələrinə (HHQ) məxsus “Raptor F-22” markalı qırıcı təyyarə cümə günü səhər Florida ştatındakı Eqlin aviabazasının poliqonunda məşq uçuşu zamanı qəzaya uğrayıb.
AZƏRTAC ABŞ Hərbi Hava Qüvvələrinin bəyanatına istinadla xəbər verir ki, pilot katapultla tullana bilib, onun vəziyyəti sabitdir.
ABŞ HHQ-nin bəyanatında deyilir: “43-cü qırıcı eskadraya məxsus, hazırda Eqlin aviabazasında, 325-ci qırıcı aviasiya alayının tərkibində olan F-22 qırıcısı səhər saat 9:15 radələrində qəzaya uğrayıb. Hadisə yeri Eqlin poliqonunda sınaqlar və məşqlər üçün əsas bazadan 12 mil (19 kilometr) şimal-şərqədir”.
AZƏRTAC-ın Vaşinqton bürosu
Bölmənin digər xəbərləri
