ABŞ İLƏ AVROPA BİRLİYİ ARASINDA İNTERNETƏ NƏZARƏT UĞRUNDA MÜBARİZƏ BAŞLANMIŞDIR
Tədbirə hazırlığın final mərhələsinin gedişində AB ölkələri gözlənilmədən tələb etmişlər ki, internet beynəlxalq nəzarətə verilməlidir. Hazırda internetdə iş qaydalarını, o cümlədən texniki göstəriciləri ABŞ Ticarət Nazirliyi təsdiqləyir, ümumdünya şəbəkəsinin operativ idarə edilməsini isə Kaliforniyada yerləşən İKANN (daxil olan adların və rəqəmlərin internet korporasiyası) şirkəti həyata keçirir.
Avropa Birliyi internet üzərində nəzarət funksiyalarının bu məqsədlə BMT çərçivəsində xüsusi olaraq yaradılmalı olan yeni beynəlxalq təşkilata verilməsini tələb edir. Bununla da avropalılar öz əvvəlki mövqeyini dəyişmiş və inkişaf etməkdə olan ölkələrin tələblərinə qoşulmuşlar. Bu ölkələr internet üzərində beynəlxalq nəzarət qoyulmasına artıq çoxdan çalışırlar.
AB həmçinin bu fikirdədir ki, təklif edilən təşkilat ümumdünya şəbəkəsinin müxtəlif iştirakçıları arasında mübahisələrin həlli ilə də məşğul olmalıdır.
ABŞ bunu “yolverilməz təklif” kimi rədd etmişdir.
Bölmənin digər xəbərləri
