ABŞ-IN CİDDƏDƏKİ KONSULLUĞU YAXINLIĞINDA PARTLAYIŞ

11.09.2004 [16:27]
Çap et
A⁺ A^-

AZƏRTAC xəbər verir ki, “Əl-Ərəbiyyə” peyk telekanalının yaydığı məlumata görə, sentyabrın 11-də Səudiyyə Ərəbistanının Ciddə şəhərində, ABŞ-ın konsulluğu yaxınlığında yerləşən Səudiyyə-Amerika Bankının binası yanında minalanmış avtomobil partladılmışdır. Polis ABŞ nümayəndəliyi həndəvərində bu terror hərəkətində əli olmaqda şübhəli bilinən bir neçə nəfəri tutmuşdur.

Bu partlayışa görə məsuliyyəti hələlik heç kim öz üzərinə götürməmişdir. Xəsarət alanların olub-olmadığı barədə də məlumat yoxdur.

Ciddədə partlayış Birləşmiş Ştatlarda 2001-ci il 11 sentyabr terror aktlarının üçüncü ildönümü günü törədilmişdir. Vaşinqton hesab edir ki, bu aktlarda Səudiyyə Ərəbistanından olan şəxslərin də əli var. Halbuki, bu ölkənin özü terrorçuların qanlı əməllərindən az zərər çəkməmişdir. Son iki ildə ölkənin müxtəlif şəhərlərində törədilən partlayışlar nəticəsində onlarca adam həlak olmuşdur ki, bu da Ər-Riyadı daxili antiterror kampaniyasını gücləndirməyə vadar etmişdir.

ABŞ-IN CİDDƏDƏKİ KONSULLUĞU YAXINLIĞINDA PARTLAYIŞ

MÜƏLLİFLƏ ƏLAQƏ

Bölmənin digər xəbərləri