ABŞ-ın elit velosipedçiləri “Bakı-2018”in medallarına iddiaçılar arasındadırlar
Bakı, 5 iyun, AZƏRTAC
Bakıda velosipedin BMX növü üzrə dünya çempionatında medallara iddiaçılar arasında ABŞ yığması da var.
AZƏRTAC xəbər verir ki, elit kateqoriyasında daha iddialı olan ABŞ millisinin heyətində iyunun 8-də və 9-da keçiriləcək qadınların yarışında Alis Post-Villouqbi, Mika Şav, Dani Corc və Bruk Krain birincilik uğrunda mübarizə aparacaqlar. Kişilərin mübarizəsində isə Korben Şarrah, Konnor Filds, Nik Lonq və Jerad Qarsia yarışacaqlar.
Yeniyetmə oğlanların yarışında Braynt Vayt, Ces Velç, qızlar arasında isə Stefani Morin və Dena Davson mundialın medalları uğrunda güclərini sınayacaqlar.
İyunun 9-dək davam edəcək dünya çempionatında 43 ölkədən 1500-dək idmançı mübarizə aparır.
Bölmənin digər xəbərləri
