ABŞ-IN TÜTÜN KORPORASİYALARI 280 MİLYARD DOLLAR MƏBLƏĞİNDƏ CƏRİMƏ OLUNA BİLƏR
Hökumətin fikrincə, tütün istehsalçılarının tərkibində nikotinin miqdarı nisbətən az olan siqaretlərin insanın sağlamlığı üçün daha az zərərli olduğunu iddia etməsi siqaret çəkənlərin, ilk növbədə, yeniyetmələrin nikotindən asılılığının getdikcə artmasına gətirib çıxarır.
Bundan əlavə, ABŞ Ədliyyə Nazirliyi məhkəməyə iddia ərizəsində ən iri tütün şirkətlərini əlbir olmaqda təqsirləndirir. Belə ki, onlar siqaretin zərərli olması və adamların nikotinə vərdiş etmələri barədə informasiyanı gizli saxlamaq barədə razılığa gəlmişlər. Nazirliyin ərizəsində deyilir ki, bu sövdələşmə “son 50 il ərzində onlara xeyli gəlir gətirmiş, lakin vətəndaşların sağlamlığına böyük ziyan vurmuşdur”.
İddia ərizəsində, “Altrias Philip Morris USA”, “Reunolds American”, “British American Tobacco”, “Liqqett Group” cavabdeh şirkətlər kimi göstərilirlər.
Məlumatda deyilir ki, ABŞ Ədliyyə Nazirliyi bu işi udarsa, adı çəkilən siqaret istehsalçıları biznesdən getməyə məcbur olacaqlar.
Tütün korporasiyaları isə, təqsirkar olmalarını qəti surətdə rədd edirlər. Onlar təhlükəli məhsul satdıqlarını bildirirlər. Bunu siqaret qutularının üstündəki xəbərdarlıq da sübut edir.
Bölmənin digər xəbərləri
