Bakı, 3 mart, AZƏRTAC

ABŞ-nin Texas, Luiziana və Kaliforniya ştatlarında tüğyan edən təbii fəlakətlər yüz minlərlə insana zərər vurub.

AZƏRTAC NBC News telekanalına istinadla xəbər verir ki, Texas ştatında qasırğa 170 mindən çox insanı elektriksiz qoyub. Dallas, Franklin və Hopkins dairələrində güclü külək avtomobilləri aşırıb. Təbii fəlakət Şrivport şəhərində yerləşən Luiziana Universitetinin binasını da zədələyib.

Kəskin hava şəraiti ilə bağlı Kaliforniya ştatının 13 dairəsində fövqəladə vəziyyət rejimi elan olunub. Yerli hakimiyyət orqanları qar fırtınası səbəbindən keçilməz olan dağlıq rayonlara ərzaq çatdırılması üçün helikopterlərdən istifadə etməyi düşünür.