İDMAN
AFFA nümayəndəsi “Fənərbağça” – “Atletik” oyununa təyinat alıb
Bakı, 7 dekabr, AZƏRTAC
AFFA-nın Klubların Lisenziyalaşdırılması Departamentinin direktoru Elçin Məmmədov UEFA-dan növbəti dəfə təyinat alıb.
Milli Assosiasiyadan AZƏRTAC-a verilən məlumata görə, o, UEFA Avropa Liqasının VI turu çərçivəsində keçiriləcək “Fənərbağça” (Türkiyə) – “Atletik” (İspaniya) oyununun UEFA Matç direktoru (UEFA Venue Director) olacaq.
Qarşılaşma dekabrın 11-də İstanbulda yerləşən “Şükrü Saracoğlu” stadionunda baş tutacaq.