Ağ ev Cozef Bayden-Si Cinpin görüşünü təsdiqləyib
Pekin, 1 noyabr, AZƏRTAC
Ağ ev Asiya-Sakit Okean İqtisadi Əməkdaşlıq Təşkilatının noyabrın sonunda San-Fransisko şəhərində keçiriləcək zirvə toplantısı çərçivəsində ABŞ və Çin liderlərinin görüşəcəyini təsdiqləyib.
AZƏRTAC xəbər verir ki, Ağ evin mətbuat katibi Karin Jan-Pyer brifinqdə tərəflərin belə bir görüş barədə razılığa gəldiklərini açıqlayıb. O, görüş planını tamamlamaq üçün lazım olan detallar barədə danışıqların davam etdiyini söyləyib.
Rəsmi Pekin isə Çin və ABŞ liderlərinin görüşünün təsdiqlənməsinə dair hələ açıqlama verməyib.
Qeyd edək ki, bu yaxınlarda Çin xarici işlər nazirinin Vaşinqtona səfəri zamanı ABŞ rəsmiləri ilə müzakirələrdə Bayden-Si görüşü ilə bağlı məsələ də diqqət mərkəzində olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
