AĞIR YOL-NƏQLİYYAT HADİSƏLƏRİ FACİƏ İLƏ NƏTİCƏLƏNMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Murovdağ qəsəbə sakini Mülkədar Məmmədovun idarə etdiyi “ VAZ-21011” markalı və Gəncə şəhər sakini Rafiq Mədətinin idarə etdiyi “ VAZ-2106” markalı avtomaşınlar Göygöl rayonu ərazisində toqquşmuşdur.
Ağır yol-nəqliyyat hadisəsi zamanı M.Məmmədovun sərnişinlərindən qızı Nurcan hadisə yerində həlak olmuş, xəsarət almış sürücünün özü, oğlu İsmayıl, qızı Lalə, qohumu Könül Məmmədova, həmçinin digər avtomaşının sürücüsü R.Mədəti və onun sərnişinləri - Gəncə şəhər sakinləri Elşad Həsənov, Rəna Hüseynova isə xəstəxanaya yerləşdirilmişlər. R.Mədəti və İsmayılın həyatını xilas etmək mümkün olmamışdır.
Zabrat qəsəbə sakini Sərdar Cəfərov idarə etdiyi “Mercedes” markalı avtomaşınla Saatlı rayon sakini Murad Vəliyevi Sabunçu dairəsinin yaxınlığında vurmuşdur.
Nəticədə xəsarətlə xəstəxanaya yerləşdirilmiş M.Vəliyev orada ölmüşdür.
Quba rayon sakini Fuad Hüseynov idarə etdiyi “VAZ-2107” markalı avtomaşınla Əhməd Məmmədovu vurmuşdur.
Xəsarətlə xəstəxanaya yerləşdirilmiş piyada orada dünyasını dəyişmişdir.
Faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
