AKADEMİK V.VOLOBUYEVİN 95 İLLİYİ MÜNASİBƏTİLƏ TƏDBİR KEÇİRİLMİŞDİR
AZƏRTAC-ın müxbiri xəbər verir ki, tədbir AMEA-nın rəyasət heyəti, Torpaqşünaslıq və Aqrokimya İnstitutu, Azərbaycan Torpaqşünaslar Cəmiyyəti tərəfindən təşkil olunmuşdur.
Azərbaycan Milli Elmlər Akademiyasının prezidenti, akademik Mahmud Kərimov çıxış edərək böyük alimin keçdiyi mənalı ömür yolundan, elmə verdiyi dəyərli töhfələrdən danışmışdır.
Azərbaycan Torpaqşünaslar Cəmiyyətinin sədri, AMEA-nın müxbir üzvü Qərib Məmmədov “Akademik V.R.Volobuyevin həyatı, elmi və elmi-təşkilati fəaliyyəti”, AMEA-nın Torpaqşünaslıq və Aqrokimya İnstitutunun direktoru Məhərrəm Babayev “Akademik V.R.Volobuyevin Azərbaycanda torpaqşünaslıq və meliorasiya elminin inkişafında rolu” mövzularında məruzələr etmişlər.
Məruzəçilər və çıxış edənlər yubilyarın torpaqşünaslıq və meliorasiya elmi sahəsində əldə etdiyi nailiyyətlərdən danışmış, onun xatirəsinin unudulmayacağını diqqətə çatdırmışlar.
Bölmənin digər xəbərləri
