“AKKORD”UN İNŞA ETDİYİ KEÇİDƏ KRAN ÇIRPILMIŞDIR
“Akkord” Şirkətlər Qrupunun ictimaiyyətlə əlaqələr şöbəsindən AZƏRTAC-a bildirmişlər ki, sentyabrın 27-də paytaxtın Nobel prospektində inşa olunan keçidlərdən biri - 59 nömrəli məktəbin qarşısındakı dəmir konstruksiyalı keçid qəza nəticəsində sıradan çıxmışdır. Qəzaya keçidin altından sürətlə keçən kranın oxunun açıq vəziyyətdə qalıb konstruksiyaya ilişməsi səbəb olmuşdur. Hələ tam bərkidilməmiş keçid aşmış və yararsız vəziyyətə düşmüşdür. Nəticədə “Akkord” Şirkətlər Qrupuna xeyli ziyan dəymişdir.
Hazırda qəzanın nəticələri aradan qaldırılır. Hadisə nəticəsində yolda hərəkət məhdudluğu yaranmamışdır.
Bölmənin digər xəbərləri
