ALİMLƏR SARSINTI İLƏ İNFARKTIN QARŞILIQLI ƏLAQƏSİNİ İZAH ETMİŞLƏR
Tədqiqatda 10 mindən çox Britaniya qulluqçusu iştirak etmişdir. Tədqiqatçılar onlarda son 20 ildə sarsıntının səviyyəsini 1997-1999-cu illərdə müəyyənləşdirdikləri metabolik sindromun əlamətləri ilə müqayisə etmişlər. Nəticələri öyrənən zaman siqaret çəkmək, alkoqollu içkilər qəbul etmək və fiziki fəallıq kimi amillər nəzərə alınmışdır. Tədqiqatın müəlliflərindən biri Tarani Çandola demişdir:” Biz işdə sarsıntı vəziyyəti ilə yüksək metabolik sindrom riski arasında güclü asılılıq aşkar etdik. Alimlər aydınlaşdırmışlar ki, işdə xroniki sarsıntı keçirən adamlarda metabolik sindrom, sakit işlə məşğul olanlara nisbətən iki dəfə çox inkişaf edir”.
Qərb ölkələrində əhalinin 25-35 faizi metabolik sindromdan əziyyət çəkir. Yaşı 60-dan yuxarı olan belə xəstələr isə 42-43,5 faiz təşkil edir. ABŞ-da bütövlükdə 47 milyon vətəndaş metabolik sindroma məruz qalır.
Kardioloqlar iddia edirlər ki, metabolik sindromu sağaltmaq mümkündür, lakin bunun üçün həyat tərzi mütləq dəyişdirilməlidir. Fiziki fəallığın artırılması, çəkinin azaldılması və siqaretdən imtina edilməsi xəstəliyin sağalmasına müsbət təsir göstərir.
Bölmənin digər xəbərləri
