ALMANİYA BİRLİYİNİN ON BEŞİNCİİLDÖNÜMÜNÜ BAYRAM EDİR
AZƏRTAC-ın xüsusi müxbiri xəbər verir ki, bayram təntənələri hələ oktyabrın 2-də vahid Almaniyanın 16 federal əyalətində vətəndaş həmrəyliyi əhval-ruhiyyəsində keçirilən nümayişlər və şənliklərlə başlanmışdır.
Mərkəzi rəsmi bayram mərasimi və təntənəli iclas isə oktyabrın 3-də Brandenburq federal əyalətinin paytaxtı Podsdam şəhərində keçirilmişdir. Şəhərin mərkəzi meydanında təşkil olunmuş rəsmi paradda və musiqili-bədii tədbirdə birləşmiş Almaniyanın 16 federal əyalətindən dəvət olunmuş 15 mindən artıq qonaq iştirak etmişdir.
Təntənəli bayram iclasının başlanmasından öncə Almaniya parlamentinin hər iki palatasının - Bundestaq və bundesratın üzvlərinin, ictimaiyyətin, görkəmli ictimai-siyasi xadimlərin, o cümlədən digər ölkələrdən gəlmiş qonaqların birləşdiyi dəstə Podsdamdakı Nikolay kilsəsində keçirilən ibadət mərasimində iştirak etmişdir. Almaniya Prezidenti Horst Köler, federal kansler Gerhard Şröder,
Bundestaqın sədri Volfqanq Tirze və siyasi elitaya mənsub digər şəxslər ibadət mərasimində iştirak etmişlər.
Sonra Podsdam Konqreslər sarayında Almaniyanın birliyinin on beşinci ildönümünə həsr olunmuş təntənəli bayram yığıncağı keçirilmişdir. Almaniyanın milli dövlət himni səsləndirildikdən sonra Bundestaqın sədri Volfqanq Tirze təbrik sözü söyləmişdir. Təntənəli bayram iclası geniş konsert proqramı ilə müşayiət olunmuşdur.
Bölmənin digər xəbərləri
