Almaniyada leysan yağışlar və daşqınlar səbəbindən vətəndaşlar evlərindən təxliyə edilib
Bakı, 27 dekabr, AZƏRTAC
Almaniyanın Aşağı Saksoniya və Türingiya əyalətlərində leysan yağışların səbəb olduğu daşqınlar nəticəsində bəzi yaşayış məntəqələrində vətəndaşlar evlərindən təxliyə edilib.
AZƏRTAC xəbər verir ki, ölkə mətbuatında yer alan xəbərlərə görə, son günlər yağan leysan yağışlar nəticəsində yaranan sel və çaylarda suyun səviyyəsinin artması həyata mənfi təsir edib.
Aşağı Saksoniyanın Rinteln şəhərində daşqınlar səbəbindən 100-dən çox insan, Türingiyanın Vindehauzen qəsəbəsində isə təxminən 400 adam evindən təxliyə olunub.
Bölgədəki vəziyyətin təhlükəli olduğu bildirilir və əhalinin ərazini tərk etməsi məsləhət görülür.
Bölmənin digər xəbərləri
