Ukraynanın Priluki şəhərinə endirilən zərbə nəticəsində ölənlərin sayı 22 nəfərə çatıb
Kiyev, 8 oktyabr, AZƏRTAC
Oktyabrın 7-də Ukraynanın Priluki şəhərinə endirilən zərbə nəticəsində ölənlərin sayı 22 nəfərə çatıb. Ölənlər arasında beş uşaq var, 54-dən çox insan yaralanıb.
AZƏRTAC xəbər verir ki, bu barədə Ukrayna Fövqəladə Hallar üzrə Dövlət Xidməti məlumat yayıb.
Məlumata görə, Prilukidə xilasedicilər bütün gecə boyu hündürmərtəbəli yaşayış binasının xarabalıqları arasında insanları axtarıblar.
Bir uşaq da daxil olmaqla on beş nəfər xilas edilib.
Axtarış tədbirləri davam edir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
