Almaniyada yol-nəqliyyat hadisəsi nəticəsində 5 nəfər həlak olub
Berlin, 9 yanvar, AZƏRTAC
Almaniyanın Aşağı Saksoniya əyalətində axşam saatlarında baş verən ağır yol-nəqliyyat hadisəsi nəticəsində 5 nəfər ölüb.
AZƏRTAC yerli mediaya istinadla xəbər verir ki, Seledsberq şəhəri yaxınlığında böyük və kiçik tonnajlı iki yük avtomobilinin toqquşması nəticəsində hər iki nəqliyyat vasitəsi yanıb. Yanğına avtomobillərdən birinin çəninin deşilməsi nəticəsində dizel yanacağının alovlanmasının səbəb olduğu ehtimal edilir.
Qəzanın səbəbləri və həlak olanların şəxsiyyətlərinin müəyyənləşdirilməsi ilə bağlı araşdırma aparılır.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
