ALMANIYADA YOXSULLUĞUN SƏVIYYƏSI ARTMIŞDIR
AzərTac-ın xüsusi müxbiri xəbər verir ki, Almaniya Federal Məşğulluq İdarəsinin və federal hökumətin "İşsizlik, səfalət, aclıq və əmlak haqqında" "Velt am Zonntaq" qəzetində verdikləri yekun məlumatında 2004-cü ildə ölkədə səfalət və yoxsulluğun səviyyəsinin artması təşvişlə qeyd edilmişdir. Hesablamalara görə,2003-cü ildə ölkə əhalisinin 12,7 faizi yoxsulluq səviyyəsində yaşayırdısa,hazırda bu faiz 13 rəqəmini ötüb keçmişdir.
Almaniyada yoxsulluq əsasən ailəsini təkbaşına idarə edən, tərkibində üç uşaqdan çox olan, o cümlədən yalnız sosial yardım vasitəsilə dolanan gəlmə xarici ailələrdə hökm sürməkdədir. Yayılan məlumtlarda həmçinin qeyd olunur ki, ailənin hər bir üzvü üçün maksimum yoxsulluq həddi Almaniyanın şərqində müvafiq olaraq 604, qərbində isə 730 avro səviyyəsindədir.
